「儂家矣，伓使苦」：阮是一群用山石仔走跳花蕊步的肩胛袂輸海翁上陸的喘氣踮佇轉彎踅角的花崗岩鞏出五島四鄉的跤跡，予牽闔的浪海袂畏寒世俗的雺霧佮風飛沙使走揣駁岸的字名起碇東湧骹遛形的燈徛算，外島的聲嗽一八溜溜去石裡來，石裡去，石裡來閣石裡去雲尪的胸坎文文仔展翼若龍骨的手尾力𪜶人將海戰的目屎楗咧彼是欲牽罟踮佇紅毛塗頂懸彼蕊宛然烏璇石的油菊花予歷史的紋理袂被生狂的風湧硞硞滾絞、滾絞、起蛟龍石島的印模萬世攏袂驚做大水煞激心暴其然無張持的霆雷公予拍箍飛的燕鷗，泅在滇流洘流的滸苔袂使聳勢有卜面的鉸剪可比人形的洗石仔字「儂家矣，伓使苦」船仔猶原是愛划予出去 毋管眼而前是海墘抑是坱埃這段北方北閘風的塗花蕊沓沓仔兼勢生湠珊瑚瑪瑙翡翠般的燒烙馬祖藍珠淚的燒烙#飛閱文學地景 #馬祖 #林益彰 #空拍 #aerial #aerialview #drone==============================================《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》按讚飛閱文學地景FB 看更多文學地景故事👉https://reurl.cc/zZzZLp
