知你那年，𠊎五歲看等橋下，水燈慢慢仔流過你就像一條長纜纜个背帶揇等所有个掛念，一路對菱潭陂出發，行過安平鎮、澗仔壢最尾在許厝港出海阿姆總係摎佳講：「細人仔做毋得接近河壩脣！」愛行開，行開河壩上个燈火摎星光遠遠看等沙洲上片个，夜呱、火焰蟲 慢慢仔毋見忒。長流水帶等貪心工廠个、家用个，汙水混合死魚仔摎廢物，還過有盡酸个雨你總係溫溫柔柔个樣仔承接、哺等𠊎兜老街因你繁華，你因老街有名仔 老街反倒拿等一條條鋼筋打進摎你暴力擎枷，詐意無看到消忒所有壞心摎屙糟你係一條看毋見天光个河壩你个身項係一間間紅毛泥商場雖然看毋着，但𠊎係知真真个神明毋會計較你從來毋識追問。你就恁呢恬恬仔等待，直到暴風雨挖空䃗仔眾生轉忒咧，正掀開你个所有枷鎖試問，這兜年來還過有麼个懊悔？七月十五，暗脯个風吹來水燈慢慢仔流過也係𠊎等待三十幾年才做得看著个思念#飛閱文學地景 #老街溪 #中壢 #平鎮 #大園 #許厝港 #楊乙軒 #空拍 #aerial #aerialview #drone==============================================《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》按讚飛閱文學地景FB 看更多文學地景故事👉https://reurl.cc/zZzZLp
