是啥款的等待，佮向望遐相siāng?遙遠，透明，吸引每一个跤步攏順從日子的指示去倚近未來的相逢像櫻花，一蕊綴一蕊一蕊綴一蕊，佇時間遠足行入春天的約定阿里山的樹木懸閣濟樹蔭像夢的窗仔簾，重重疊疊坐火車才挩會開風景𤆬來的緣份，是美麗的意外窗仔外的生份人向經過的火車咧擛手離別的想像，圍纏車內的我催討酸中帶甜的心情過晝的沼平車站，是霧的遊樂園褪赤跤的霧攏佇遮咧迌風景捒走歇喘了的森林列車紅記記的車身像焰火焐傷的目睭仁，有孤單佇記持咧膨疱沼平公園15度的冷空氣輕輕gàn霧愛耍的跤蹄，唚櫻花薄皮的喙䫌啊！我看著櫻花樹邊的你你是大石堅守的職責你是夢中的山林內，咧叫我的—「春の佐保姫」當當我將詩的翼交予你我也已經是一欉守護你的櫻花#飛閱文學地景 #阿里山 #櫻花 #沼平公園 #沼平車站 #祝山車站 #阿里山小火車 #翁月鳳 #空拍 #aerial #aerialview #drone==============================================《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》
