欲暗仔的目神,熱人發出一葉心悶的穎思念,就按呢,恬靜飛過大肚山 有大肚溪的腹腸,有大甲溪的堅心 也有筏仔溪的溫存,哪會做伙透濫 一種秋凊的聲嗽⋯⋯ 一陣風吹來,有淡薄仔海的鹹味 聽無妖嬌的玫瑰花,美麗的歌聲 彼个骨力用鋤頭寫詩的老詩人 嘛毋知閣有佇厝無? 花園,若親像拋荒足久足久矣毋過,故事猶原佇雜草裡綿爛生湠⋯⋯ 聽講,相思仔樹開始閣咧相思矣 禿頭禿頭的大肚山,佇這陣黃酸仔雨裡 學彼支鋤頭澈底覺悟,一雙活靈靈的目睭 總是愛臭彈,往過樹林的草色花芳 彩光滿滿⋯⋯啊,南風佮鳥仔 攏來替土地公種樹護土 顧山林暝,幔一領烏衫,慢慢仔 行落來山崙,山跤繁華的街市,燈光閃爍 一尾一尾的火蛇,佇酸甜苦澀內面 四界趖⋯⋯ 思念,就按呢,輕輕仔 飛入去阮心肝#飛閱文學地景 #心悶_大肚山 #陳胤==============================================《本節目所拍攝文學地景,係考量作品意境進行選擇,拍攝地點不限作品內容本身,必要時輔以其他文學地景進行輔助拍攝》按讚並分享,同時到《飛閱文學地景FB》 看更多文學地景故事👉https://reurl.cc/zZzZLp