微微東風，月落無霜𤆬後龍溪放送溫柔的露水予白雲一山懸，一山低有情的人總會來相揣疼痛1895彼時陣三叉河邊迵過的青春血脈踅雙峰山墘彎彎斡斡油桐花恬恬佇樹椏擔頭看天我知影，含莓未雪彼幾蕊遠遠予風無情刮過，去無相辭細漢身軀猶原遐爾清芳行過百年歷史的出海口，拍開向望一欉又閣一欉白雪雪的民主花四界探山頭報知音發穎的時肩胛頭會當相倚春風做伙來街舞，咱放慢跤步有夢上媠的歌斟酌聽向望的花，花開著時一蕊一蕊相連紲予愛的祝福湠開規山墘社會有人世間隨意嘛有人恬靜無話擔頭揣夢，是啥人喙笑目笑這爿露水迎透暝蟲聲，月娘𬦰懸搪著幼秀的花芳靠岸做伴〈e書法：張炳煌〉#飛閱文學地景 #苗栗 #三義 #油桐花 #後龍溪 #林秀蓉 #張炳煌 #空拍 #aerial #aerialview #drone==============================================《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》按讚飛閱文學地景FB 看更多文學地景故事👉https://reurl.cc/zZzZLp
