#飛閱文學地景 #客家古蹟 #賴文英
記載等幾多歷史个歲月
該一面牆......

無論萬巒五溝水伙房屋
抑係東勢山城圍龍屋群
都有先人摎客家族群團結摎向心个力量

竹北新瓦屋、新屋范姜老屋群个開山打林
見證地方族群个脈絡摎起起起落落

義民保衛家園个血淚史
還留有歷史个傷痕在這北埔金廣福、天水堂
一步一腳行出客人堅定个信仰

吳濁流在新埔老屋創作个臺灣文學
亞細亞个孤兒總算尋著自家落腳个地方
一字一行寫出臺灣人个文學情

美濃菸樓有該係淡淡个菸草香味
也有祖先汗流脈落打拚流傳下來个汗水香
一菸一煙燒出臺灣產業个飛揚

人講:山管人丁水管財,家家門前一口塘
半圓形个化胎摎半圓形个月光陂塘
化育幾多人丁摎錢財,還過一隻俚處世个圓方
該係人摎自然和諧个天圓地方

四方八卦窯、竹篙屋、碌碡把、雙堂屋
一磚一石一瓦,起出臺灣客家人个故鄉
該兜就係祖先在這打拚、落腳个......客家莊
=================================
《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》