歲月个衫袋底肚跌出一張老車票四四角角个車票係佢憨直个性體舊黃舊黃个車票係佢耐過風霜个面容中央鑿一個圓圓个空係分遊子出外時回望故鄉个眼相尖相矻个人,火車愛開咧該係盡尾枋坐上東勢站个火車,駛轉樟樹林青里里个樹影,胠過大甲河,駛轉涼沁沁个竹圍風,行過梅樹下,駛轉羊妹妹个十八歲,溜到石岡,駛轉客家八音牽聲个田舍,直直到朴口,駛轉靚靚个禾田,駛轉……啊! 㧡擔个,落車咧 讀書个,落車咧 尋老鄰舍个,落車咧 載貨个,落車咧 載大樹材个,落車咧 盡尾,火車 乜落車咧伸著一細片,圓圓个紙屑剪票鉗項跌落來个,還停在票亭等遊子,尋轉該年跌在故鄉个心#飛閱文學地景 #駛轉1959 #何卿爾 #石岡 #東勢==============================================《本節目所拍攝文學地景,係考量作品意境進行選擇,拍攝地點不限作品內容本身,必要時輔以其他文學地景進行輔助拍攝》按讚並分享,同時到《飛閱文學地景FB》 看更多文學地景故事👉https://reurl.cc/zZzZLp