一儕人租一輛自行車騎上舊草嶺个路細人仔逐上逐下相爭摎頭前个涼風相見面大人在後背一路細義，注意安全掛在嘴脣舊草嶺个歷史在頭前展開監造磅空个日籍技師紀念碑恬恬企在頭前一年透天分風吹雨涿日頭炙留一段鐵枝路分人緬想打窿開路个艱難制天險个重要位跡在過窿个門額前寫出鐵馬騎士在頭前翕張相留分自家做紀念紀念這天險个位跡紀念自家在這位行過涼涼个風對面吹來在長槓槓个窿肚烏烏个鐵枝路項有電火照明上上下下个鐵馬騎士相閃車打招呼在福隆石城相會个所在白雲飛處天開日見分煤煙混到烏烏个字體蒼勁有力在洞口顯影仰看青天白雲遠望藍藍个大海朦朦个龜山島在遠方思鄉 〈e書法：張炳煌〉#飛閱文學地景 #舊草嶺隧道 #邱一帆 #頭城 #貢寮 #福隆 #張炳煌 #空拍 #aerial #aerialview #drone==============================================《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》按讚飛閱文學地景FB 看更多文學地景故事👉https://reurl.cc/zZzZLp
